ღ♥♥ღ♥.. ][ قصآئد خــآلد ـألمريخ ـي][ .. ღ♥♥ღ

السلآم عليكم يا حلوين

كيف الحآل والآحوآل ..؟

جآيبه لكمـ to day
من احلآ الآشعآر الي قريتها .. وان شاء الله تعجبكمـ انتم كمآن

يلآ مااطول عليكمـ ..

***

صادفني ثلاث..: خالد المريخي

صادفني ثلاث أحترت وياهن && أبهرني صحيح وقمت أطالعهن

زاهيات براقعهن ويزهاهن && لعنبو جدهن محلا براقعهن

قمت أعدد على نفسي مزاياهن && وقمت أهوجس على نفسي وانا اتبعهن

واستدارن بجنبي شخص ناداهن && قلت ذي فرصتي باقصد واسمعهن

من القصايد مع اني حافظ أرداهن && أرتبكت واعجزت أتذكر أروعهن

والسوالف بعد خلني أنساهن && ضيعني صحيح الله يضيعهن

والدليل أني تخربط وياهن && أبا أسلم عليهن وقمت أودعهن

>><<>><<>><<>><<>><<>><<>><<>><<

أما كذا...: خالد المريخي

الحب ما به مستريح
من جربه لازم يطيح
هذا هو الحب الصحيح
أما كذا ولا بلاش

الحب ما هو في يديك
لو ما بليته بيبتليك
لا جا يجي غصبن عليك
أما كذا ولا بلاش

الحب هو نبض القلوب
راعيه لا يمكن يتوب
يذوب اللي ما يذوب
أما كذا ولا بلاش

>><<>><<>><<>><<>><<>><<>><<>><<

تكفون خلوه..: خالد المريخي

تكفون خلوه لا تحصون غلطاته .... انا أدري انه تلف حالي وضيعني

وادري سواة العدو ابرك من سواته .... بس انا قلبي واعرفه ما يطاوعني

هذاك أنا أضيع لا طالعت نظراته .... بعيونه السود يسمح لي ويمنعني

أحلى علامات في الدنيا علاماته .... متع نظر كل من شافه ومتعني

خلوه يخطي أنا راضي بسياته .... يخطي بكيفه ولكن لا يقاطعني

من كثر ما أغليه صرت أفرح بزلاته .... ولو قلتوا أخطاء عليك أقول وش يعني؟!

خلاني أمشي على كيفه ومشهاته .... طوعني شلون مدري ؟! بس طوعني

>><<>><<>><<>><<>><<>><<>><<>><<

شفتها ...: خالد المريخي

شفتها من عقب ما غابت سنين
جت تقل متردده ثم أرجعت

وقمت أناديها : أبيك بكلمتين
واستخارت واستدارت وسمعت

قلت : قولي علميني وش تبين
قالت : أصبر قلت: يكفي واجزعت

قالت : انت تبين أنك مستهين
وانت روحك من عنا البعد أطلعت

زين ابسأل : دام قلب ما يلين
ليش عينك يوم أقفيت أدمعت ؟

قلت : أنا باسي قوي لو ترجعين
صدقيني عمر نفسي ما خضعت

وكان قصدك دمعتي لا تفرحين
شعره دشت بعيني واطلعت

>><<>><<>><<>><<>><<>><<>><<>><<

يجي منك أكثر...: خالد المريخي

ما جا على بالي خطاك أنت بذات
لا تعتذر كافي يجي منك أكثر

مات الغرام اللي لك بداخلي مات
ما عاد ينفعك العذر لو تعذر

ما أقدر خلاص أتحمل اليوم غلطات
ما أكذب عليك انا بديت أتغير

بسكات أنا جيتك وباروح بسكات
ابا أبتعد وباقول هذا مقدر

قصرت وسواتك معي ماهي سوات
هذا مع اني فيك ما كنت أقصر

طوفت لك مره ومره ومرات
صبرت بس اليوم ما ظني باصبر

واليوم أنا نادم على كل ما فات
لا تعتذر ما دام عذرك تأخر

هذا جزاي أعطي ولا أقول لك هات
انا اللي استاهل يجي منك أكثر

>><<>><<>><<>><<>><<>><<>><<>><<

لو زعل..: خالد المريخي

جاي يطيب خاطري في كلمتين
يحسب أن أرضاي مضمون وسهل

عذره اللي رجعه شوق وحنين
يحسب أن رضاي بشوية غزل

ما داري أني حالف وحالف يمين
ما أرد بكلمتي مهما عمل

مايلين القلب والله مايلين
وان زعل يزعل ويعني لوزعل

>><<>><<>><<>><<>><<>><<>><<>><<

مسامحك...: خالد المريخي

يالي غلطت مسامحك *** أجيك أنا واصالحك
غصبن علي ابي اعتذر *** غصبن علي اسامحك
من كثر ما أحبك وابيك *** وانت معاي أوله عليك
واعذرك لو ما لك عذر *** من كثر ما احبك وابيك
ازعل ليا منك زعلت *** وارضى ليا منك رضيت
واتحملك مهما عملت *** اعطي ولا مره خذيت
غلاك من قده غلاك *** تكبر وهو يكبر معاك
وياك بالصح والغلط *** شف وين وداني غلاك

>><<>><<>><<>><<>><<>><<>><<>><<

من قال أنا ميت عليك *** أصلا أنا ماعاد أبيك
تبغاني خاتم باصبعك *** ياشيخ ذا بدري عليك
لا تخلط أوراق الهوى *** كلن ترى وله مستوى
وكانك على غيري قدرت *** أصابعك ما هي سوى

>><<>><<>><<>><<>><<>><<>><<>><<

أمي ..: خالد المريخي

أمي مهي أم امي كنز حنيه
حلاة الكون كله منوخذ منها

محبة الأم ليه تصير مخفيه
محبة الأم مدري ليه ندفنها

أمي مهمه وأهم من الأهميه
أبأفتخر في محبتها وابينها

كلي لها بجد من راسي لرجليه
أعز من عزها وأهين هاينها

لا قالت الآه كن شخص أن طعن فيه
أجي من أقصاي فازع لجل أطمنها

عذروبها بس طيبتها خياليه
يازين عذروبها اللي ما يشينها

قليل في حقها اللي قلت وشويه
أكبر بواجد من اللي قلت أنا عنها

>><<>><<>><<>><<>><<>><<>><<>><<

قصيدة عروس ..: خالد المريخي

ودي أدرس ولكن وين أنا والدروس
من تذكرك ينسى درسه اللي درس

أدخل الصف ما كني بضمن الجلوس
وأكثر اللي بصفي شكوا أني خرس

حسيت أنا دفتري من ضيقة الخلق حوس
من كثر ما رسمت قلوب حب أنترس

وأذكر إني مره غارق بالهجوس
وأسمع اللي بجنبي قال : قوم أحترس

المدرس سألني جاب صورة عروس
قال : هاذي وشنهي ؟! قلت: صورة فرس

ما أحسب أني بوسط المدرسه والدروس
أحسب أني بجنبك لين دق الجرس

>><<>><<>><<>><<>><<>><<>><<>><<

هذا بلا ابوك ياعقاب ..: خالد المريخي

ياناس خلوني معه وتركوني
محد معوضني غيابه ليا غاب
أغليه بس وشلون ؟ لا تسألوني
الحب من ربي يجي ماله أسباب
شوفوه بعيوني قبل لا تعذلوني
شوفوا حبيبي ماهوب مثل الأحباب
ترضون وإلا كيفكم تزعلوني
أنا حبيبي سيد تلعات الأرقاب
مافي مثله في البشر صدقوني
مزيون متواضع طيب وجذاب
وإذا مدحته قال : لا تمدحوني
ماني من اللي يستحقون الإعجاب
يقول بس الزين فيني عيوني
وأنا أقول : هذا بلا أبوك ياعقاب

>><<>><<>><<>><<>><<>><<>><<>><<

المعاند...: خالد المريخي

قلت : خل المعاند ماسمعت الكلام ،،،، ذوق نار المعاند ذوقها يا عنيد
قلت لك : ف المحبه صار لي كم عام ،،،، وانت توك على دنيا المحبه جديد
ما انت قد المخاصم ليه تبدا بالخصام ،،،، مادريت أن قدرك لا نقص ما يزيد
ضعت مدري وش اللي ضيعك يا حرام ،،،، بس أنا اموت واعرف انت وش مستفيد
تحسب اني برضى بالعتب والملام ،،،، لا حبيبي انا وقت الشدايد شديد
لا تكثر كلامك ما يفيد الكلام ،،،، روح مابي كلامك .. روح فرقاك عيد

>><<>><<>><<>><<>><<>><<>><<>><<

ياللي تطالع ..: خالد المريخي

ياللي تطالع وكنك ما تطالعني!..

نظرتك هذي حبيبي لاتكررها!..

صحيح شاطر ولكن صعب تخدعني..

أناعلى الطاير أفهمها وطيرها..

أنا مزاجي وأطيع ألي يطاوعني..
إن كان لي خلق أمررها أمررها!.!.

لاا ما أتبع النفس لين النفس تتبعني
النفس محد قدرها بس أنا أقدرها

اسمع كلامي أذا ودك تولعني
سعادتي خلها همك ودورها

ابي انصحك قوم خل عنادك وطعني
تعال نطوي الليالي وتتذكرها

وسمعني اللي كتبته فيك سمعني
والكلمه اللي تشكل معك غيرها

بلسانك الشعر لو تكسر يمتعني
كسر يا بخت البيوت اللي تكسرها

>><<>><<>><<>><<>><<>><<>><<>><<

ما بيـّن بعينك ..: خالد المريخي

ما بيـّن بعينك على كثر ما جاك
لا وا حسافه ليتني ما عطيتك
تخطي و أعذرك واتحمل خطاياك
هويت غلطاتك كثر ما هويتك
ضحيت بالدنيا علشان دنياك
خليت كل اللي يبيني و جيتك
كنت بعيوني وين ما أطالع ألقاك
حتى ولو غمـّضت عيني لقيتك
من كثر ما أحبك و أقدّرك و أهواك
ما أذكر إنـّي في حياتي عصيتك
و لا فاد كل اللي أسويه ويـّاك
أتعبت قلبي ليتك تحس .. ليتك
و الحين روح أرجوك ساعدني أنساك
و لا تجي حتى لو إنـّي بغيتك
و إن مر في قلبي بقايا لذكراك
بحاول أنساها مثل ما نسيتك

والله خوقآآآآآق الشعر .. موهيكـ

يلااااااا بانتظااار الردود الحلوووة

قصاائد ولا اروع

تقبي مروري

الحب ما به مستريح
من جربه لازم يطيح
هذا هو الحب الصحيح
أما كذا ولا بلاش

/
\

وه وه بس فديت ولد المريخي Smile

/
\

تسسسسلمين يـآبعدهم .. الله لايحرمنـآ من موآضيعك [b]